被粉絲摸嚟摸去 林峯急護驚弓之「鳥」

林峯剛完成三場紅館演唱會後，昨日為新碟現身簽唱會活動，阿峯在台上被安排與粉絲互動，三位粉絲變身舞蹈員與阿峯跳辣身舞。「女粉」的手放任地在阿峯身上不停游走又捏手臂，司儀問女粉絲夠未？阿峯即尷尬搶說：「我夠啦！」而「男粉」出手更猴擒，圍着阿峯肉緊「扭動肥腰」，又將手上的「膠雞」放在阿峯重要部位，嚇得阿峯雙手急急護着「小峯峯」狂笑，另一男歌迷則手持星星棒拍打阿峯，慘被「抽水」的阿峯只得笑說：「驅鬼咁！我未跳舞都畀你哋搞到出汗。」之後阿峯熱得脫去皮褸，並給粉絲大方送抱，阿峯說：「你哋唔介意我成身汗就得嘞！」

似比卡超好正

講到露點晒肌相被網民惡搞似「比卡超」，阿峯不嬲反讚：「佢哋想像力無限，好正！我都試過照鏡去睇，但可以有燈光效果先唔同。」提到日前見他出入醫院，他坦言是一般個唱後遺症，就是身體一下子放鬆就病了，現已沒大礙。

男粉絲隻手與「小峯峯」非常近，眼看手勿動喎！

林峯錫男粉絲肉手，似乎唔多Enjoy！

慶祝唔預千語

另外，適逢昨日母親節，阿峯稱日前林家總動員已去吃海鮮餐慶祝。問到女友吳千語一家可有一同慶祝？他說：「冇呀！（買咗禮物未？）呢個未諗到。」提到形象指導好友馬天佑被拍到隨街小便，阿峯笑說：「下次我同佢食飯會帶定個桶畀佢，我諗佢真係好急！唔好再玩佢啦，大家講多三年好啦！」

林峯被女粉絲摸時，一臉尷尬！

成身大汗的林峯向粉絲送抱。

文：音樂組

攝：張福宏