藝人謝安琪（Kay）得知主演的無綫劇集《殭》於大氣電波收視大比數拋離ViuTV同時段的節目，大為鼓舞，問到可覺得是贏了漂亮一仗？Kay昨日回應時認為，在一個電視業起變化的時期以她有份演出的《殭》「出戰」都有這樣成績，實在開心亦不敢驕傲：「喺我心目中又唔係打仗，不過，數字出到嚟又的確有分別，呢個時期推出呢個劇都有一個上升嘅收視，我真係好感激，所以都唔敢驕傲！（點慶祝？）我有份參與都好榮幸，亦好多謝媒體對呢套劇有咁正面同持平嘅報道，對我個角色又有正面評價，真係好開心，所以嚟緊結局我哋真係有約出嚟睇，分享成果！」

至於同時段對撼的ViuTV節目《跟住矛盾去旅行》被大比數拋離，有份演出的歌手連詩雅被問到會否失望？她說：「自己冇諗太多收視問題，對我嚟講最緊要盡咗力做好個節目。（有冇睇過杜如風主持的《関西攻略》？）自己最近都忙緊宣傳新歌，有時間都會想睇吓。」