李家彤搵男友求啱Key

香港賽馬會前主席黃頌顯外孫李家彤（Antonia）與名媛鄭詩韻前日出席遊艇展覽會，Antonia表示閒時會出海遊樂，去年及今年均有到歐洲旅行，問到會否接受異國戀？她表示鍾意中國人，但混血兒亦冇問題，最重要睇性格。問到現時有否追求者？她坦言：「唔好問呢啲。（即係發展中？）個個都係朋友！（有咩條件？）最緊要夾、人要好，唔一定要靚仔！同埋要孝順，遇到啱就拍。」又透露好友邢嘉倩預產期為7月初。鄭詩韻則透露大仔將於今年9月入讀小一，經歷完小一面試後的她呻現時做小朋友真辛苦。