黎明的演唱會在重重險阻下前晚終開騷，歌迷均睇得津津有味！
陳小姐：「我七點幾嚟排隊，排咗好耐，排隊兜咗大圈，九點幾先入到場，但值得原諒嘅。我最鍾意《那有一天不想你》嗰part，同埋啲4D效果好正，有香味同雪花，個騷我畀9.5分（10分滿分）！」
兩位李姓歌迷：「個騷好好睇，如果可以再早啲開場就好，今晚個騷值90分，差就差在短咗啲。」 一行五人女歌迷：「個騷值100分！略嫌有啲短，有啲失望冇encore，希望黎明唞足精神，聽日繼續努力！」 朱小姐：「好滿意！我唔覺得個騷時間太短，我相信係場地限制先會咁，唔關黎明事，佢做得好好，我畀佢一百分！」
