林雅詩拍微電影 囝囝呷醋禁Kiss
藝人林雅詩前晚負傷出席活動，她透露早前在內地工作時遇到交通意外，手部受傷，令囝囝很擔心，她笑說：「佢知我開拍微電影，問可唔可以畀個角色佢？又同我講，唔可以同其他人Kiss！（呷醋？）唔知係咪呢！可能我嘅婚姻狀態咁樣，我電話都要放佢嘅相。（將來識第二個要過佢嗰關？）係呀！」問到是否已辦妥離婚手續，她表示其部分已簽好，只等對方回應。
同場還有藝人梁小冰與丈夫陳嘉輝，嘉輝一直站在太太身後，被太太取笑為「背後的男人」。對於有內地報道指小冰整容，嘉輝即代為平反：「佢瞓得多，休息夠，係天然整容，我證實冇！」小冰即晒幸福說：「靚嘅秘訣就係開心，仲要多謝老公一早湊仔返學，等我可以瞓到自然醒。」
