周永恒擒青搵女 校方擬報警
被指是「世紀賤男」的周永恒（Roy）接受網台訪問時，提及過往「賤績」自認「X街」，又自爆為見大女信希一面，年初曾到信希就讀的幼稚園外苦等四天，校方差點報警處理，與Roy分居的趙頌茹（Yu）坦言女兒被嚇親，更不想見爸爸。
周永恒前晚與創作歌手兼好友梁奕藍出席網台節目《男神實驗室》時，談到正與她分居的趙頌茹：「件事唔係得我一個，你話我係罪人又好，賤人又好，都有其他受害者。以前畀人講都啱，都係一個X街嚟，點只係賤人呀！」他指雖已做不到家庭支柱，都想事業有所發展及照顧兩女兒。
校門外苦等四天
問Roy分居期間可有見過兩女？他說今年初在梁奕藍陪伴下，曾經到五歲大女信希就讀的幼稚園門外苦等四天：「見到個女忍唔住撲過去，但見到佢又好似唔係好熟咁，跟住有個保母抱番佢入學校。轉個頭阿Yu就傳短訊畀我，話咁搞會搞到學校報警。」
記者昨聯絡阿Yu問及此事，她以短訊回應：「係，周生突然出現加上佢嘅狀態真係嚇親信希，所以之後信希都話唔想見，因為覺得好驚，當時老師打電話畀我，話如果周生再唔走，學校為保護小朋友可能有需要報警。」
疑被電視台抽水
另外，記者再問Roy早前亮相ViuTV節目被問及家事時爆粗走人，而ViuTV事後表示Roy清楚拍攝內容，他聞言即謂：「起初覺得憤怒，都難受，頂咗半個鐘先變成咁！」Roy指到達錄影廠已覺唔對路，感覺像被批鬥及被抽水，所以最後拒絕簽與電視台的授權協議書。
文：音樂組