莊思敏執妹妹二攤

藝人莊思敏昨日與前亞姐黎虹讌出席「AIDS Walk慈善步行籌款」活動，莊思敏表示今次因妹妹莊思明臨時要開工，由她執二攤頂上。近日她忙於為劇集《幕後玩家》埋尾，稍後拍新劇《乘勝追擊》，為配合野性主播角色會再剪短秀髮。頻頻接拍無綫劇集，她笑謂：「咁啱啫，電視圈我係新人，阿妹係前輩，但出面我就係佢前輩。」

黎虹讌對於前亞洲先生鍾昊遇車禍，並於網上留言籌款助其中一位同行女傷者，她雖然不認識鍾昊，但會聯絡其他亞洲先生，望盡一分綿力。曾與盛品儒傳緋聞的黎虹讌，表示大家少聯絡，當年亦冇拍拖：「我老公都識佢，我都識蔡一鳳，成件事好好笑，嗰排係玩得密咗，又住同區，朋友唔係男就係女。」原來她之前為亞視拍節目《男人經》被欠薪，最後也追不到數。