何國鉦壓力爆煲食藥抗焦慮
本地著名時裝設計師何國鉦（Dorian）早前表示因頸椎移位而引致頭痛多個月，不過前晚他在其生日派對上，卻自爆頭痛是因為患上焦慮症，坦言之前不敢公開及害怕食藥，幾經掙扎終決定面對，勇氣可嘉。
本月22日生日的Dorian前晚於灣仔包場舉行生日派對，邀請約四十名好友出席，包括四洲太子女戴凱欣與男友樊林爽、皮草太子爺王大業、名模陳嘉容、周汶錡與陳祉妤、名媛何倍倩、羅霖、周國豐夫婦、鄭躬明夫婦等，場面熱鬧。
頭痛多月曾戴頸箍
Dorian曾表示受頭痛困擾多月，後醫生指他頸椎移位，要戴頸箍及做物理治療，而前晚他已除去頸箍，他坦言生日願望是身體健康，並主動承認患上焦慮症：「呢個係都市人常見嘅病，因為壓力太大，我之前頭痛咗半年，食止痛藥都冇用，原來就係因為精神緊張引起。」他直言知道患上這個病多時，但就一直不敢對別人說亦不想食藥：「我自己都掙扎咗好耐先決定講出嚟同食藥，依家食藥控制住個病情。」
今次生日會以藍與白色為主題，他有感近年經濟不景氣，希望生日會可給大家帶來開心：「我都有幾年冇搞生日會，以往都係簡單食飯慶祝。」
陳祉妤與何倍倩均來去匆匆，何倍倩表示原本婉拒了對方的邀請，但仍專登到場給對方驚喜，陳祉妤則透露有新戀情，但處於觀察階段。至於羅霖稱最近忙於籌備世界和平小姐選舉以及三間公司的工作，忙得不可開交，無奈要暫停歌影工作，她笑言：「真係好忙，成日開會要度橋，發現白頭髮都多咗。」
王敏德牛一打邊爐
另外，藝人王敏德（Michael）前日生日，向來與家人感情非常要好的他，選擇於家中與名模太太馬詩慧及子女一同打邊爐慶生，二女王麗嘉因在外地留學未能回港一同慶祝，但孻仔王躍穎就帶同女友出席見家長，氣氛融洽。
症狀連續數周
在繁忙又緊張的生活節奏下，不少都市人會患上情緒病，當中焦慮症較為常見，圈中亦有不少藝人曾「中招」，包括黎耀祥、周柏豪、馬蹄露等。精神科醫生曾繁光表示焦慮症是連續數星期有焦慮的症狀：「精神好驚，諗嘢會失控，身體上可能會出現心跳、手震、作嘔、全身發熱等，睡眠質素唔好，成日醒或者發噩夢，天生同環境都有關。而治療方法，分別有藥物、心理輔導同生活管理。」
文：名人組