張秀文黃心穎晒導彈爭做Super咪神

無綫電視將於本月18日推出全新myTV SUPER新平台，昨晚在電視城舉行《myTV SUPER呈獻：萬千星輝睇多D》，眾女星性感大晒導彈爭做「SUPER咪神」！

擁有34D的張秀文最為驚艷，以鮮紅色超Deep V連身裙再加透視喱士真空上陣，34D驕人上圍盡現眼前，不愧為新一代頭號咪神！她受訪時被取笑「搏老命」，她說：「因為公司有個新挑戰，所以自己都有新嘗試。（個Deep係咪新低點？）呢個唔好意頭喎，不如話係新挑戰！呢個Deep都幾Deep，自己都試咗好多次驚走光！（Keep住唔食嘢？）唔會，我啱啱喺廠都係咁食燒賣同牛丸。（真空上陣？）係，因為背脊透視，所以戴唔到Bra！」

陳婉衡閃爆人魚裝

平時少露性感的黃心穎亦加入戰團，以Sharp醒螢光黃Tube Dress晒線，她受訪時謂：「好耐冇試過咁性感。（有冇見到張秀文好性感？）嘩，正呀！」另一新世代咪神陳婉衡亦以金色閃片美人魚裝大晒三吋事業線，她受訪時謂：「都OK性感啦，因為之前試嗰陣都驚Tube Dress冇帶會跌，其實後面都露背o架，有少少喱士！」至於34C的歐陽巧瑩亦以藍色Deep V短裙谷到盡！而34E前港姐陳偉琪以低胸裝逼爆Y字胸毫不輸蝕。粉紅色短裙戰鬥格現身的陳庭欣，晒胸又晒腿，性感之餘帶少女味！

36E最猛胸器 金色閃片美人魚裝上陣的陳婉衡大晒胸器。	33C黃光導彈 黃心穎以Sharp醒螢光黃Tube Dress晒線甚為搶鏡。	戰鬥格晒腿 陳庭欣的粉紅色短裙晒胸又晒腿，少女味濃。

前輩花旦封胸輸蝕

面對新一代咪神來勢洶洶，相反上一代咪神失色不少！44吋長腿人妻呂慧儀非常收斂，只以藍色長裙「小開中門」。而另一人妻陳自瑤雖以全黑透視連身裙若隱若現，但胸前配上肉色打底，認真輸蝕！黃智雯則以一身Sharp醒螢光黃Tube Dress微露纖腰。勉強撐得住場的只餘下最近減磅不少的但仍保持34E苟芸慧，全黑低胸長裙大晒兩吋事業線。

晒腰幫拖 黃智雯谷胸之餘小露纖腰。	Y胸港姐 前港姐陳偉琪的Y字胸令人眼前一亮。	清新小C 歐陽巧瑩以Deep V裙谷盡34C上圍。

文：專案組　

採：影視組