王賢訊添丁 8磅10「波子」繼承衣鉢

仁濟副主席王賢訊（Vincent）昨日添丁，太太朱穎詩為他誕下8磅10超級巨B，Vincent說：「我哋有少少懷疑BB就快出世，所以提早入醫院待產，BB個樣好似我，有好多頭髮。醫生話太太好犀利，第三胎都可以佗足39周，佗到咁耐。BB未正式改名，乳名叫波子，因為太太佗住佢嘅時候話個肚好似波子。」向來有鑽研風水命理的Vincent指昨天出世的小孩具有藝術才華，對從事漫畫的夫婦倆來說十分有利，他笑言可能將來由「波子」來繼承衣鉢呢！