狗狗坐露天車斗畀雨淋 車主被揭是成龍

昨日有網友爆料指見到有車主在下雨天將金毛尋回犬放於三菱四驅車的露天車斗，令日曬雨淋的狗隻吸廢氣。有資料顯示該車輛屬於影星成龍的公司所有，成龍公司發言人昨日接受電話訪問時承認車輛是成龍擁有，但絕不是成龍駕駛：「架車係成龍嘅，但當然唔係佢揸，係公司司機負責。成龍好錫隻狗，所以大家都好錫佢。因為狗仔有病，我哋想快啲車佢由九龍塘去旺角睇醫生，點知回程期間突然落雨，先會發生咁嘅事，我哋已經盡快返室內，呵番隻狗仔同吹乾佢啲毛。」