Crystal搵男友 想照顧坤坤

歌手張紋嘉(Crystal)與師弟何弘軒早前擔任東網電視《娛樂onShow》嘉賓,大談單身經歷。仍然單身的Crystal自爆曾用塔羅牌占卜問姻緣,從中知道對方是否適合她。其後,Crystal又提到同門的吳業坤符合其擇偶條件,但直言兩人未能發展。

日前歌手張紋嘉(Crystal)與師弟何弘軒(Alan)擔任東網電視《娛樂onShow》嘉賓,接受主持俞詠文(Angela)訪問,談到Alan的新歌《姻緣石》唱出單身人士心聲,當中講到不少人一直未能覓得「對的人」,席間兩人自爆單身已久。自言是「神婆」的Crystal,更曾用塔羅牌占卜姻緣,她說:「其實我咩都會問,基本上都幾準,譬如出現啲牌係『隱士』或者『騎士』,代表嗰個男仔未必啱我。」

特別鍾情搞笑男

出道十年的Crystal甚少傳出緋聞,可謂「緋聞絕緣體」,她笑言自己太乖,不會「玩緋聞」,但今次卻不怕傳出緋聞,不但大讚同門的吳業坤(坤坤)為人搞笑,更直言對方接近自己的擇偶條件:「我覺得佢有一定嘅幽默感,會令人幾開心,佢又幾識得搞笑,會搞笑係我其中一個揀男朋友嘅重要因素。」

姊弟戀有咩阻滯?

對坤坤甚為滿意的Crystal,又大爆想照顧對方,她說:「我係巨蟹座,好鍾意照顧人,因為佢對我嚟講係大細路,第一佢比我細,第二佢係白羊座,而白羊座都係Kidult,對於巨蟹座嘅人嚟講會好想照顧佢。」不過,Angela問到兩人為何不發展時,Crystal笑言被對方緋聞多多嚇怕,想知道她還因甚麼事拒絕與坤坤進一步發展,記得留意東網電視《娛樂onShow》喇!

文:專案組

場地:Kyoni Ramen