陳慧琳蝦餃仔似宋仲基 揀定新抱先！

天后陳慧琳（Kelly）及楊千嬅等昨日出席品牌活動，Kelly表示近日亦有追看大熱韓劇《太陽的後裔》，對於大仔蝦餃仔被指與該劇男主角宋仲基似樣，她直呼開心：「有啲似嘅，可能係鼻同眼似，同都係面尖尖咁，本身我仲怕佢太老實，冇女仔鍾意，依家佢全亞洲都有市場，我可以揀新抱，安樂晒！」她又為曾被指似鄭則士的細仔小龍包平反：「依家佢脫晒水，瘦咗好多，冇晒Baby Fat，可能大啲會似另一個韓星！」而千嬅透露金像獎後狂食三日，連老公丁子高都嚇親，問到是否因失落獎項而化悲憤為食量？她說：「唔係，我鍾意食嘢係人都知，我啲朋友都話楊小姐返嚟喇。」