《東網Baby大作戰》鬥食力Cherry反敗為勝寸寸貢Suetzi嬲爆絕交

身材高挑瘦削的組合HunterZ成員鄧詠雪（Suetzi）和歌手馮凱淇（Cherry），二人因對尋覓美食有興趣，故非常老友，早前還相約進行食力大鬥法，兩人賽前均稱對自己很有信心及絕不會被對方擊敗，Suetzi勝出第一回合後十分得戚，惟最終由較細粒的Cherry後來居上，反敗為勝，賽果更導致二人友情決裂，惹來絕交危機！
第1回合：搶食提子 Suetzi贏<br>「高」人一等的Suetzi（右）話咁易已食到幾粒提子，反而Cherry搏晒命都係食白果！
第1回合：搶食提子 Suetzi贏
「高」人一等的Suetzi（右）話咁易已食到幾粒提子，反而Cherry搏晒命都係食白果！

甜品和水果均是女生愛吃的食物，Suetzi和Cherry早前參加《東網Baby大作戰》，圍繞食的主題來分別比試速度、反應及整潔度等，原本以為個子較高的Suetzi面對挑戰會有優勢，贏了首回合的她可乘勝追擊，殊不知身形較矮小的Cherry口部容量和進食速度驚人，於第二及第三回合急起直追，最終更反敗為勝，難怪她事前信心十足說：「我一定贏梗！贏梗！贏梗！贏梗！贏梗！」

茅招盡出鬥搶

首個回合，二人比試跳高食提子，邊跳邊食提子的難度頗高，眼見她們跳到索晒氣，而Suetzi則以身高為長處，輕易食到數粒提子，反之Cherry一粒都食唔到，被遠遠拋離的她還搞笑地搶食Suetzi串提子。第二個回合，二人需蒙眼互餵水蜜桃忌廉撻，考驗大家鬥快食完的同時，亦可保持個人整潔。比賽期間，二人出盡奇招搶對方手上的水果撻，Suetzi咬到Cherry的手指，Cherry又用Pat Pat撞Suetzi，最後Cherry扭轉劣勢贏了此回合，跟Suetzi打成平手。最後一回合蒙眼鬥快食糯米糍是勝負關鍵，二人的鬥心變得更熾熱，最終Cherry以1分56秒完成兩粒糯米糍，比起Suetzi要用2分30秒先完成，足足快成半分鐘有多，抵Cherry贏啦！

第2回合：蒙眼餵撻 Cherry贏<br>Cherry拚命拉住Suetzi隻腳，Suetzi又趁Cherry餵撻時咬手指，奇招百出。
  • 第2回合：蒙眼餵撻 Cherry贏
    Cherry拚命拉住Suetzi隻腳，Suetzi又趁Cherry餵撻時咬手指，奇招百出。
蒙上眼的Cherry（左）與Suetzi 互餵食撻，Suetzi 請Cherry「心口食撻」，兩個搞到成面Cream！
  • 蒙上眼的Cherry（左）與Suetzi 互餵食撻，Suetzi 請Cherry「心口食撻」，兩個搞到成面Cream！
第3回合：鬥快食完 Cherry贏<br>最後一個回合鬥快食糯米糍，Cherry明顯食得快過Suetzi，Sure Win！
  • 第3回合：鬥快食完 Cherry贏
    最後一個回合鬥快食糯米糍，Cherry明顯食得快過Suetzi，Sure Win！
賽果2：1 Cherry大贏家<br>Cherry（左）寸爆輸家Suetzi被懲罰食榴槤糯米糍。
  • 賽果2：1 Cherry大贏家
    Cherry（左）寸爆輸家Suetzi被懲罰食榴槤糯米糍。

大懲罰最難頂

輸家Suetzi接受大懲罰，挑戰她最惡頂的榴槤糯米糍，在Suetzi服輸及努力鯨吞糯米糍時，Cherry即寸嘴地說：「其實我都好想食o架！但好可惜Suetzi你輸咗，同埋你頭先係咁咬到我手指，自從今日開始，我哋唔再係Friend！」Suetzi隨即回應說：「絕交！你下次見到我唔好叫我。」認真大鑊！

Link：http://goo.gl/GNv40b

文：名人組

Suetzi化妝：Melody Chan@colorcompas

Cherry髮型：Kaden Chan@Amour hair spa&salon