王卓淇拒愛 龐卓欣咀仔
前港姐亞軍王卓淇（Erin），早前在劇集《愛情食物鏈》中大騷修長美腿，贏得網友歡心，向來孝順的Erin，早前孖住媽媽到馬爾代夫旅行，更在當地大解放，穿上三點式繼續騷長腿，她說：「今次去咗六日，主要都係去relax。去親馬爾代夫多數都係情侶同夫妻，今次我同媽媽呢個組合，令人感覺好奇特。返到公司，同事話我啲相咁靚係咪男朋友影，我話我同媽咪去，完全冇人信！」
請司機「食檸檬」
Erin自爆此行有艷遇，不過她卻請對方「食檸檬」：「酒店個司機第一次見到我，問我叫咩名，又同我講I Like You，佢又問可唔可以打去我酒店房同我傾電話，搞到我每次上佢車都好尷尬，惟有扮唔識聽英文，唔理佢。」
而今屆港姐亞軍龐卓欣（Ada）日前亦在instagram透露與男友孫智威（Solomon）身處馬爾代夫，Ada更着三點式泳衣，大騷Fit爆身材，與Solomon向來恩愛的Ada，更於黃昏時分與男友在沙灘上嘴對嘴，既浪漫又大放閃光彈，令一眾網友羨慕不已，大讚Ada身材夠火辣！
文：專案組