張秀文笑麥美恩嫁唔出
「是非精」梁嘉琪、麥美恩（Mayanne）、張秀文及歌手周柏豪昨日到科學園出席TVB活動《Think Big Family玩創開放日》，跟小朋友互動。三女均表示喜歡跟小朋友相處，嘉琪笑言擅長將智商調校到跟他們一樣；Mayanne笑言愛整蠱三名姪仔；秀文就喜歡跟胞姐的三名女兒玩耍，將來自己都打算生女。
Mayanne表示隨時閃婚及已Ready生BB，卻被秀文與嘉琪取笑嫁唔出點生B，Mayanne即笑說：「今晚就做嘢！」並希望生孖胎，嘉琪笑她要找醫生幫手：「我係話搵個醫生男友呀！」同場的柏豪自言較傳統，會生BB，但暫未有計劃。
