張智霖寸心悠挑剔相睇冇下文
藝人張智霖（Chilam）、劉心悠、前新聞主播蔡雪瑩（Snowy）昨日出席活動，由於Snowy將結婚，Chilam及心悠都向她送上禮物祝賀。問到心悠婚期？Chilam即大爆心悠是筍盤但卻挑剔，同時又指身邊朋友「廢廢哋」，不敢約女神吃飯。
形象聖潔嚇走筍盤
Chilam指心悠形象太聖潔，又冇緋聞是非，開玩笑指對方應該食煙改形象。他隨即大爆有次有朋友想介紹男生給心悠，故相約了十多人吃飯：「我事前都唔知，去到見到面對面咁食，先覺得奇怪。」記者追問對方是誰？Chilam堅持不願透露，只表示是半個圈中人，又讚對方是筍盤。問到心悠有沒有下文？她尷尬表示：「乜都冇發生。（點解撻唔着？）唔啱，唔知呀。（對方冇私下約你？）冇。」
心悠坦言若事先知道飯局用意，她定會逃走。問到若Chilam安排飯局，她會否出席？她說：「我想同Chilam佢哋食飯，但唔要有陌生人在場。」而Snowy則透露將於本月24日與香港青年聯會副秘書長男友朱威霖於君悅擺酒，筵開50席。明顯肚凸凸的她，一直避談是否雙喜臨門。
文：名人組