仙樂都技癢拋胸

仙樂都向來以性感形象見稱,在電影《屍小姐》中卻「洗底」收起性感。電影昨日開鏡,仙樂都一時「技癢」俯身拋胸晒身材,為新片贈興!

性感女星仙樂都、喬寶寶及梁成致(Sam)等,昨日在銅鑼灣為電影《屍小姐》進行開鏡儀式。仙樂都今次在電影中「洗底」不用作性感演出,但開香檳切蛋糕時,卻一時「技癢」俯身拋胸露事業線贈興,展示豐滿身材!

睇戲做功課「學死」

仙樂都飾演夜總會舞小姐及喪屍,片中不乏講粗口、暴力及驚嚇場面,但卻一反性感形象,她笑說:「電影係講啲社會現象,今次角色有好多突破,唔使我性感、冇親熱戲,但係有喊戲,角色仲會死,都要睇戲學吓點死,電影遲啲會喺網上播,我仲會唱埋主題曲。」

Sam談情難過打交

至於曾主持亞視節目《SAM哥踢館》的Sam除了自編、自導、自演《屍》片外,又自掏腰包投資開戲。他在片中飾演黑社會大佬,與飾演夜總會媽咪的袁潔儀有曖昧感情線,身手了得的他笑言拍感情戲的難度比動作場面還要高:「戲裏面有少少打交戲,會自己拍番,最難係同袁潔儀拍含蓄嘅感情戲,難度係要含蓄演繹,唔能夠演得奔放!電影古仔構思咗好耐,想表達香港嘅社會問題。」

文:影視組