詹瑞文前晚於灣仔開騷演舞台劇，已為該舞台劇系列演出達160場的他，透露會有二十多個造型示人，當中最爆的是早前成為網民熱話的「尿片Look」扮「G.E.M.大嬸」！他指事前已知會鄧紫棋（G.E.M.）：「佢唔介意畀人講，佢係一個好叻嘅藝人。今次會扮佢唱歌，練歌練到把聲有啲沙！」談及亞視已熄機，他認為每行都有不同階段：「雖然唔知佢幾時着番，希望大家再接再厲，再創紀錄！」
