陳浩民陪妻入院生第四胎
藝人陳浩民及老婆蔣麗莎昨日到銅鑼灣一間私家醫院準備生第四胎，帶了鮮花和禮物的浩民表示特意請假陪老婆生B女：「喺內地拍緊電影，太太生完就會即走，返嚟一日。」他透露太太今早會開刀，並笑言雖早已習慣，但心情開心又緊張：「不過入產房聞到藥水味都會腳仔軟軟咁！」
蔣麗莎笑指自己已熟習情況，能兼任醫生親自操刀。浩民又透露今早一家大細都會睇BB，笑言大女希望四妹叫「Lulu」：「我同佢講你當佢Lulu好喇，唔好當佢臭四。（追第五胎？）生完呢個先再講，呢個都未生！」並指太太產後會留院觀察多四至五日。講到他打算搬大屋，他指仍未收樓：「遲啲先！」