韋家輝 劉青雲 高歌娛賓

由杜琪峯（杜Sir）、韋家輝創立的銀河映像日前舉行20周年慶祝晚宴，不少圈中好友包括劉青雲、游乃海、及任達華等亦有出席，場面熱鬧令杜Sir、家輝都不禁技癢偕青雲台上獻唱娛賓，群星玩得非常盡興！杜Sir在台上分享創立公司的高低潮，亦借機會向好友致謝：「多謝韋生（韋家輝），佢係呢間公司嘅大腦，冇韋家輝就冇我杜琪峯！今日係銀河映像二十周年，期間銀河映像遇過高高低低，好多謝無論係老闆又好、演員又好、團隊又好，每一個人為銀河映像嘅付出，我希望今晚喺二十年party見到你哋，嚟緊四十周年都可以繼續見到你哋！」