何倍倩滑雪睇藝術 動靜皆宜

何倍倩大讚Whistler滑雪場漂亮。

於加拿大讀大學的何倍倩，對加國情有獨鍾，近日她舊地重遊溫哥華，尋找她喜愛的雪景和看藝術，一動一靜的視覺藝術令她樂在其中。位於加拿大西海岸的Whistler滑雪場，是北美No.1滑雪場，她說Whistler距離溫哥華市區約2小時車程：「滑雪場由Blackcomb Mountain和Whistler Mountain組成，老公好鍾意滑雪，自己唔太叻，反而鍾意睇雪景，度假村裏面有啲設計特別嘅小屋旅館，仲可以去有『小瑞士』之稱嘅Whistler Town行街買嘢，嗰度有商店、畫廊同埋一啲幾有特色嘅餐廳，又可以行吓Whistler Audain Art Museum藝術館同埋溫哥華美術館，大開眼界。」她說溫哥華亦是美食天堂，在Whistler最高級的餐廳Araxi，一定要品嘗魚生、生蠔和牛扒；Boulevard Kitchen + Oyster Bar的生蠔亦不能錯過，另外一間中菜館「品味長安」菜式賣相可觀，不妨一試。

陳君宜親子動物園

陳君宜與老公一向熱愛旅遊，她推介的復活節遊點亦是親子景點，早前她便到泰國曼谷，專攻當地的動物園Safari World：「有個地方可以親手餵飼長頸鹿，長頸鹿長頸伸入嚟，好得意，好近，零距離，仲有老虎、黑熊、鱷魚，同埋有大象表演外，仲有個大型水族館，一次過盡覽水陸動物。」她說去一趟動物園可以認識所有動物，令兒子有深刻印像，好過看百本動物圖書，不過她說園內沒有甚麼好吃，故建議出發時帶定糧水。

何倍倩一身滑雪裝備，但自嘲唔叻。	參觀溫哥華美術館，滿足視覺享受。	鄭躬明與太太陳君宜早前就帶了兒子到曼谷動物園遊玩。