安志杰麒麟臂環抱小JC

名模Jessica C.（JC）同未婚夫安志杰（Andy）前日在美國誕下愛女Tessa，昨日凌晨Andy興奮公開自己與囡囡勾手指的相片，之後JC亦分享Andy抱住囡囡入睡的Sweet爆合照，更寫道：「Daddy's lil girl.」相中手瓜大過囡囡個頭的Andy用結實「巨乳」做囡囡枕頭，大晒鐵漢柔情。
安志杰示範用強勁臂彎保護囡囡。
安志杰示範用強勁臂彎保護囡囡。

Andy的好友伍允龍得知B女出世亦大感高興說：「BB女好靚女、好得意同好好笑容！佢爹哋同媽咪好開心，咁我Uncle Philip都好開心！」

至於Andy前女友謝婷婷正於印度度假，昨日上載背影相時更有感而發指綠色是春天的顏色，似乎暗示人生重新開始。

伍允龍（左）戥新手爸媽安志杰及JC高興。
  • 伍允龍（左）戥新手爸媽安志杰及JC高興。