林峯睇得開 「我都控制唔到」

林峯近月為個唱keep-fit面頰消瘦不少，他說：「未夠，依家150磅，仲想個人薄啲。（零脂肪？）希望啦。（瘦過女朋友吳千語？）好難挑戰佢喎！」有指林峯當日不續約無綫，現遭全面封殺，派台兩首新歌在無綫「零曝光」？林峯謂：「都係聽到你哋講（傳聞）先發覺。（傳吳雨親自傾都唔掂？）冇嘅，唔到我控制，自己做自己嘢啦！咁無綫有佢制度同形式。」當年為無綫仆心仆命現被封殺可感心噏？林峯看得很開：「冇，實有機會合作，因好多以前嘅舊同事都有見面，總有機會合作。」而無綫攝製隊前晚亦在場採訪，但未有採訪林峯。

DaDa「豐乳」交加

眾女星中以「E奶女神」DaDa造型最性感，西裝褸內是黑色Bra-top，四吋事業線表露無遺，她笑言：「出席風雨（豐乳）交加，所以想『應景』啲。」她強調這身造型是「真材實料」：「今晚冇加墊(o架)！本來加咗，但太恐怖啦！一致認為太誇張所以冇加啦！」原來昨日是DaDa的27歲生辰，她更上載一張有多個小蛋糕點着蠟燭砌成心形的相慶生。

陳靜這身谷胸「豐乳」造型，冇得輸啦。	吳若希自嘲加墊都冇乜效果。	高海寧側身出擊。

吳若希贏高海寧

高海寧就玩密實，卻被吳若希（Jinny）成功以Tube-dress花裙搶「峰」頭，講到輸給DaDa卻砌低高海寧，Jinny說：「佢若隱若現仲sexy。（DaDa教大家加墊增效果？）相信我加完都冇乜效果，加完最多係正常，去唔到澎湃效果囉！」

文：音樂組