蕭正楠拋胸陳庭欣股惑搶鏡

黎耀祥、蕭正楠、曹永廉、陳國邦、胡定欣、林夏薇及陳庭欣等昨日在將軍澳某酒店宣傳無綫劇《公公出宮》，四位「公公」僅穿西裝褸「真空」上陣行catwalk出場，黎耀祥擺健美甫士，蕭正楠則扮跌嘢俯身騷胸肌，曹永廉出場後更被黎耀祥和蕭正楠追擊除衫，蕭正楠笑說：「佢好似畀人強姦咁！」曹永廉即說：「唔好唔好呀！」

胡定欣與林夏薇以低胸裝亮相，但不敵穿長裙側身透視隱約露股邊的陳庭欣，她說：「Fashion 吖嘛，希望推高啲收視，希望有40點收視。自己第一次咁着，今（昨）朝仲唔敢食嘢，黐咗好多膠紙，覺得自己好膠。」

唱另類生日歌

今日39歲生日的蕭正楠獲大會準備蛋糕慶祝，黎耀祥與曹永廉搞笑唱「生日歌」贈興：「喃嘸阿彌陀……」蕭正楠受訪時被問怎樣與女友黃翠如慶祝？他說：「都難，今（昨）晚有個搵錢騷要做，好似生日禮物咁，每年都有。（女友呢？）都有時間嘅，依家一齊拍劇，聽（今）日可以一齊食飯，佢都提醒我年紀大喇。（暗示叫你娶佢？）又冇咁講。（幾時結婚？）冇時間諗，之後六月又要開劇，要從長計議。」

蕭正楠扮執嘢晒胸肌。	胡定欣晒白滑玉背。	曹永廉（左起）、蕭正楠、黎耀祥及陳國邦「真空」上陣。

「真空」上陣的黎耀祥表示：「又話着泳衣都冇人着嘅，收視最高有33.4要履行承諾，不如着低胸裝啦，如果再高啲有40點叫曹永廉再除。」

文：影視組