歌手王梓軒昨日到電台宣傳內地節目《中國好歌曲》，講到其中一首參賽歌《碰不上會更美》是寫給前女友，梓軒直言：「都兩年前，唔係想復合，亦都冇飲恨，當時好相信會行到最後，不過嗰時仲年輕，覺得喺事業上要拚，畀唔到永恆嘅承諾。」問到對方可知道這首歌？他說：「佢應該聽唔明，都冇講過佢聽，佢依家都應該係幸福嘅，等佢自己發現啦。」
