杏兒人妻解放 撼贏露腿周秀娜

胡杏兒、張智霖（Chilam）、周秀娜、何佩瑜（Jeana）、王宗堯、連詩雅、蔡瀚億、周柏豪、何浩文、石詠莉和雨僑等，昨日與中國3D數碼老闆蕭定一齊齊出席「中國3D數碼合併HMV發布會」。

醋老公揀拍戲對手

杏兒自去年尾與圈外男友李乘德結婚後，展開了馬拉松式悠長蜜月，去勻北海道、歐洲、馬爾代夫等地，昨日她正式復工，以性感黑色喱士透白Bra晒罅Look上陣，即使周秀娜身穿白色喱士裙微V晒長腿，Jeana以「中門大開」微露東西半球迎戰，但仍不是人妻杏兒的對手！

周秀娜穿短裙晒長腿出戰。	杏兒在現場甚為風騷。	張智霖爆太太袁詠儀曾被雞啄，故此怕雀鳥。

杏兒談到一身性感打扮，她笑言：「今日開心吖嘛，冇乜點做安全措施。（升呢人妻變開放？）做人妻前都間中開放！老公冇睇過套衫，佢唔係好理我呢啲嘢，反而擔心我拍戲對手，話要問過佢先，呷醋喎！拍拖嗰陣有內地綜藝節目搵我哋情侶檔，但佢話自己講嘢唔叻、唔識普通話。（夫妻檔拍廣告？）唔諗，怕效果好搞笑！」

袁詠儀	縱使Jeana中門大開，但仍不敵胡杏兒。	「一哥」張智霖（前排右二）率領周柏豪（前排右三）、王宗堯（前排左一）等藝人大合照。

靚靚逢雀都驚

同場的張智霖對於獲公司於銅鑼灣旗艦店內設立其個人CD及電影DVD專區，他說：「公司愈來愈壯大，令我好有安全感。（獨享一哥待遇？）唔好咁講，公司資源分配得好好，我都會諗吓有咩可以做，等同公司藝人多啲機會。」他又提到早前偕老婆袁詠儀（靚靚）為綜藝節目去放生雀鳥，他說：「佢逢鳥類都驚，因為佢曾經畀雞啄過，不過食雞冇問題。我諗過帶佢睇心理醫生，最終打消念頭，等我有啲籌碼喺手嘛！（復活節點慶祝？）會一家去日本旅行，之前怕輻射，好耐冇去，但唔驚得咁多！」

文：影視組