林夏薇瞞老公剝衫益陳展鵬
陳展鵬、林夏薇與陳山聰等昨日為無綫新劇《乘勝狙擊》進行開鏡拜神儀式。展鵬於劇中飾演老千，並以鬍鬚Look示人，但自言鍾意青靚白淨：「今次第一次拍劇留鬚，留咗廿幾日都驚上癮，但留鬚都幾麻煩，成日要修剪。（驚女友唔鍾意？）可能有啲女仔鍾意呢！（參考賭片？）以前啲賭片好正，但我哋唔係以賭為主，賭只係背景，但都要練洗牌手法，練到手指抽筋。」
而飾演廟街雀后的林夏薇自爆完全不識賭博：「新年買咗兩副麻雀開始練，主要係老公同我練，屋企人嫌我係『站長』，叫胡都唔知但又贏錢！（同陳展鵬有咀戲？）同佢第一場戲已經要除衫，好重口味。（唔驚老公嬲？）唔會！佢都唔知，點會嬲呢！（有指話你有2億家用？）有冇咁誇張！自己好努力賺錢，我都要供樓，我哋財政獨立。」至於陳山聰為新劇練魔術扮「魔術手」，又透露稍後會到澳門取景，問到是否到何家的賭場拍攝？他說：「唔係。」
