鍾采羲土法搣脂力保34E

有「E Cup Iris」之稱的鍾采羲(Iris)一直放縱,飲酒、夜蒲、獨力自隊一份12吋pizza,結果身形脹爆,最高峰體重達128磅,被經理人狠批「肥到撐爆螢光幕」的她,靠做運動、戒酒、戒澱粉質,成功揈甩近十磅,如今Iris四肢瘦削、V煞面,仍力保34E逼爆上圍!

擁有34E上圍的鍾采羲(Iris)向來予人感覺豐滿,身形猶如氣球時肥時瘦的她經常自嘲「肥妹仔」,高峰期體重達58公斤(近128磅)!不過,過去於模特兒公司「無王管」的Iris一於懶理,繼續飲酒喪食:「2012、2013年肥咗好多,當時真係完全冇人追,但有好多朋友,我又唔驚喎,成日好開心。」

王晶下令修身

既為食又愛蒲的Iris一直自我放縱,更自爆是個「大胃王」:「好鍾意食嘢,我可以一個人一餐食晒一個12吋嘅大pizza,朋友都知道我好大食。」直到加盟導演王晶公司成為「晶女郎」後,她被經理人狠批「肥到撐爆螢光幕(mon)」,王晶更下令要她極速修身,她說:「佢想我塊面瘦、唔好咁腫,就算我狀態冇咁好、殘啲,佢話CG都執到,但水腫就執唔到,公司其他同事、經理人就要我瘦身。」為了努力重練出好身材,Iris「從良」絕迹夜場,改玩健身跑步、游水及瑜伽,加上「老土修身法」,成功於三個月內勁減八磅。

想縮胸求挺啲

Iris的「土法」是:「食少啲嘢、戒澱粉質,晚餐淨食菜同肉。以前我冇做開運動,依家一個星期做三、四日,每日45分鐘。」現時她有同事管束住,自然會食少啲,所以她希望再減六、七磅。驕人上圍有否縮水?Iris說:「冇喎!但我想縮啲,縮啲會挺啲、靚啲。(想縮幾多?)最緊要比例啱,唔一定大就靚,有時就會顯得肥。」

場地:HANJAN

攝影:秦健輝

文:黎寶倫