對於「方鄧分訊」，堪輿學家陳子才分析兩人的命格，原來分手有迹可尋：「小方屬猴，今年佢嘅夫妻宮又迎又合，代表唔結婚就可能分手。同時今年佢可能出現家宅不安，長輩身體有毛病，依家兩個現象同時出現。可能佢真係有諗過結婚，屋企引起觸發點，令兩人睇法有啲唔同導致分開。」講到鄧麗欣的命格，陳子才說：「佢個命格有術語叫招架不定，即心大心細，想結又唔想結。而佢代表丈夫嘅星，相害或者相穿，重大矛盾，唔容易解決，結果分手。」他又指二人已錯過「結婚年」：「2012年及2013年最適合結婚，當時比較多傳婚訊，依家可能已拖得太耐。」至於有否復合機會，陳子才說：「可能性絕對有，鄧麗欣夫妻宮有代表舊相識嘅桃花，代表比較易對前度或舊友等動情，而2017年小方命盤同樣有呢個舊相識嘅桃花，可能佢哋會冷靜落嚟喺番一齊。」