王浩信勇救失足朱千雪

藝人朱千雪、王浩信及袁偉豪（Ben）等昨日到大埔林村宣傳新劇《EU超時任務》，期間千雪企高掛寶牒時不慎失足，浩信即英雄救美抱住她！劇中千雪及Ben飾演情侶有輕吻戲，千雪笑說：「我唔係好願意咋！唔敢太激，驚佢女朋友打嚟鬧我。」活動上眾人許願，問千雪為何不求姻緣？她說：「拍拖係隨緣，大家唸咗個咒，話如果套劇收視30點，我就有拖拍！但佢哋話想套劇保持住29.99點！好衰！」浩信表示難忘劇中要街頭裸跑，因要增肥扮村長，裸跑時毫無自信，而拍攝期間他返家後仍狂練圍頭話，笑言當時三歲的女兒認不到他。