Hilary晒優質股索鬥Nikkie

上山詩鈉女兒Hilary與梁家輝大女Nikkie兩位靚靚星二代昨日在Instagram上載性感比堅尼照開心share,Hilary更非常大方,影前又影後,大晒優質股,獲網民勁like。

在芸芸星二代之中,上山詩鈉女兒Hilary可算是最索星二代之代表人物,不但樣靚身材正,最難得是不介意在網上晒水着相。昨日Hilary又在Instagram派福利,上載了兩張在沙灘影的靚相,一張是Hilary與兩名女性友人站在滑浪板旁邊的合照,三人都以比堅尼上陣,加上陽光與海灘的背景,十分吸睛,Hilary以索爆身形加上古銅膚色,名副其實係健康性感,另一張相則是Hilary的背面,雖然她穿回上衣,但同樣有睇頭,晒靚臀出「股惑」。今次Hilary影前影後,可謂交足功課,除了成功呃到不少like之外,還被網民大讚hot。

王麗嘉包到實

至於另一靚女星二代梁家輝大女Nikkie亦於同日派福利,晒出在峇里島影的泳衣照,穿上粉紅比堅尼的她甚有少女feel,雖然照片距離比較遠,但不難看到長腿及豐滿上圍呢!

而身在加州的王敏德細女王麗嘉也在網上上載沙灘照,不過,她在熱辣辣的沙灘上穿着長袖衫,只晒長腿,浪費了好身材,難怪熱得麗嘉吐舌頭,雖然性感不足,但可愛搭夠。

文:名人組