蔡加讚愛駒騎師戰衣汪圓圓設計
「宇宙最強」甄子丹與妹夫蔡加讚（Karson）前晚亮相跑馬地馬場，為首次出戰香港賽事的愛駒「宇宙車神」打氣，子丹的太太汪詩詩、妹妹甄子青，以及Karson太太汪圓圓均有同行。
Karson表示去年尾購入愛駒：「我覺得隻馬幾好，對佢o既資歷同比賽成績都有研究，佢喺澳洲有跑過第一，今年兩歲左右。佢到咗香港之後我有去探過佢。隻馬o既騎師件戰衣係圓圓設計。」子丹說：「今次志在參與，唔好畀咁大壓力。（愛駒名字邊個改？）Karson揸主意o既。（係馬都要係宇宙最強？）我花名嚟o架啫，隻馬就犀利喇，好多肌肉，fit過我，Karson操得佢好fit。」他們又獲香港賽馬會行政總裁親自接待，認真有面，可惜「宇宙車神」最終三甲不入。
