何猷君得戚自封天才

賭王與四太的愛子，現年21歲的何猷君，昨日在社交網上開心宣布他考進美國麻省理工（MIT）金融碩士課程。近期和女友Kimmy正處於熱戀，愛得甜蜜的猷君，並未有因拍拖而荒廢學業，甚至沒半點疏懶，學業成績依然相當驕人。他昨日在Instagram上載了一段短片，片中他爬上了校園建築物頂宣布自己考到MIT金融碩士課程，更以21歲之齡破紀錄成為最年輕考入該課程的學生，難怪他在片中寸爆指自己是天才，他所穿的Tee上印有「Genius」一詞，並以「Certified Genius」形容自己，認真得戚。他於片尾還做了球星Ｃ朗招牌入波慶祝動作，興奮之情盡流露。

四太當獎勵

四太昨日接受電話訪問時表示：「我都係啱啱先知，阿仔之前打畀我，我開緊會所以冇詳談。佢不嬲成績ＯＫ，唔使點擔心，好勤力，鍾意嘅嘢會用心鑽研，自動波。我都估唔到佢考到，佢仲後生，同埋考試嘅嘢好難講。（有咩獎勵佢？）佢獎勵我就真，我養大佢又畀錢供佢讀書，應該係佢孝敬我，呢個係佢畀我最好嘅禮物。後生真係要讀多啲書，人生路好長，讀書要掌握時機。（佢係咪天才？有冇check過佢ＩＱ？）冇，不過佢讀書係有啲聰明，平時冇乜點補習。」

猷君穿上印有「Genius」的Tee，於校園宣布考到MIT金融碩士課程。	放大圖片	超盈（右）叫猷君買靚袋送給她及Kimmy。

超盈留言賀

猷君家姐何超盈都有留言祝賀弟弟，讚他「叻叻豬」，指弟弟可以賺很多錢買靚袋給家姐，又叫弟弟買多個袋給他女友Kimmy。現正身處倫敦的超盈又分享了當地靚相以及和朋友的自拍照。

文：名人組