導演黎繼明病逝秋生惋惜真正朋友
前無綫導演黎繼明日前因胰臟癌逝世，享年61歲，黎繼明的作品包括電視劇《怒火街頭》、《學警出更》及電影《收數王》等，他人緣甚佳，多位藝人收到消息後都大感惋惜，視他為真正朋友的黃秋生坦言：「你知呢行好多都火氣大，好多粗口，但佢冇！善良到會畀人恰。（對上一次見面係幾時？）應該係年幾前，佢話想開演員公司拍劇，係個幾好嘅計劃嚟！」
胡杏兒與黃宗澤都曾於劇集《我的野蠻奶奶》中跟他合作，杏兒謂：「舊年佢都有話想搵我合作，冇諗過佢會咁就離開咗，希望佢家人唔好太傷心，節哀。」宗澤則希望其家人心情可以盡快平復。謝天華坦言對上一次見黎繼明是去年：「佢約我出嚟傾大陸計劃，傾電影合作，當時佢狀態好好、好精神。」黎繼明之子黎子菱表示會為亡父低調於本月22日搞追思會，然後於哥連臣角火化。
