JW搵出租男友夜遊嘉年華
歌手JW自獲得新唱片公司力捧後，憑hit歌人氣回升，由於工作量大，壓力倍增，日前難得有一日假期，遂相約同經理人公司的同門師姐師兄，計有旅遊達人小雲、樂隊Yellow！及音樂人FatKing到東華慈善嘉年華玩一日紓壓。七人瘋狂喪玩機動遊戲，包括超級紐約滑梯、瘋狂碰碰車等，雖然他們都自稱細膽，不過眼見全球首創的陀飛輪難得空降香港，他們都衝破心理陰影體驗了這部360度高速環迴旋轉的機動遊戲，JW笑言：「細個嗰時可以玩十四次過山車，但大個咗反而唔敢，夜晚玩又冇咁驚喎，啲燈光又好靚，我都擘大眼望咗幾眼。」
Yellow！爭住做兵
JW和眾人玩到天黑時，看見不少情侶在漫天星光下相依玩機動遊戲鞦韆樹時，情景非常浪漫，她即恨拍拖恨出口說：「如果有男朋友陪我玩就好啦，我都希望快啲搵到另一半。」Yellow！的單身成員Willson及小胡聞言笑言可以捱義氣充當男友：「我哋做住你男朋友先啦，不過係出租，要畀錢先喎。」JW聞言哭笑不得，但都感激師兄「愛錫」。之後眾人齊去玩攤位遊戲，Willson及小胡聞得JW鍾情《玩轉腦朋友》的毛公仔，即搶住要掟贏公仔送給她。
文：音樂組