祥仔跪地送花嚇窒胡定欣
胡定欣、黎耀祥（祥仔）及林夏薇等昨日於中環派花宣傳新劇，期間定欣被祥仔單膝跪地送花「嚇窒」，她笑言日後不需另一半下跪求婚：「膝頭未掂到（地）都應承！」
「視后」胡定欣、祥仔、林夏薇、曹永廉、蕭正楠、陳國邦、楊詩敏、王君馨及陳自瑤等，昨日適逢三八婦女節於中環派花為無綫劇集《公公出宮》作宣傳。
「膝頭未掂地都應承」
期間祥仔向定欣單膝跪地送花「扮求婚」，定欣事後笑言嚇親，又指日後不需另一半下跪求婚：「男兒膝下有黃金！」有人問會否幻想另一半求婚時要跪低？定欣肯定的說：「我唔一定要。（一跪就應承求婚？）膝頭未掂到（地）都應承！」然而定欣笑稱求婚必備鮮花及戒指，與男友陳明道感情穩定的她又說暫時未計劃結婚。
想兒子識金髮新抱仔
祥仔直言希望好拍檔定欣早日有好歸宿。提及其子即將到美國升學，祥仔表示兒子正於當地熟習環境，享受當地生活，所以他十分放心。問到其子是否修讀演藝課程？祥仔說：「唔係，佢絕對係鍾意搵錢，對經濟同財經有興趣。」問到他會否擔心兒子結識金髮女友？祥仔笑指太太反而想快點抱孫：「最好啦，我家族都冇試過有金髮新抱，但我個仔比較傳統。（擔心佢帶埋BB返嚟？）我老婆話早啲抱孫仲好。」
林夏薇（薇薇）則獲曹永廉雙膝跪地「扮拜山」送花，阿廉笑言：「清明就嚟到，我冇裝香都好好喇！」薇薇笑指阿廉「口衰」，但卻毫不介意。問她有否獲老公送花？薇薇甜笑透露對方於節日會送花，家中更常以玫瑰作擺設。
文：影視組