「奇哥」回歸甘為李佳芯唱live

「奇哥」羅嘉良回歸無綫拍劇，雖闊別多年但其風采依然身形極fit。

Ali大讚嘉良Nice爆，表示自小已看對方演出，最難忘是其歌聲：「自從知道要同佢合作，佢首《准我留下》不停喺我腦海狂Loop。（叫佢唱歌？）係喎！想聽佢唱Live呀！」嘉良則表示再拍劇感覺良好，並大讚Ali：「佢好穩，又有幽默感。（佢話想聽你唱歌！）一齊去卡拉OK囉！（預咗拍劇辛苦？）監製會錫住我，畀時間我休息。」並表示不介意出動私伙靚衫，笑言倒貼打工是其興趣。

此外，Ali前晚出席劇集《律政強人》煞科宴，飾演律師的她直言最辛苦是背對白：「我唔能夠NG，情願唔瞓都要做足功課。」

羅嘉良趁未埋位與工作人員言談甚歡。	羅嘉良氹得Ali揈手側頭表情多多。	Ali面對前輩雖然表現緊張但仍電力十足。