星級爸媽忠奸難分
張繼聰
「我同Kay教小朋友冇分邊個做好人定壞人，同佢哋講道理，會循循善誘。如果個仔發脾氣，我哋要佢冷靜咗先再同佢傾。」
琦琦
「我比較嚴，老公少啲見個囡所以係yes man。如果囡囡真係做得唔啱，我會罰佢冇得玩電話或電腦，一知冇電話用佢就驚，唔會曳，細個時曳都係罰佢企牆邊思過。」
袁詠儀
「唔使問我一定做衰人，個仔特別黐老竇，但好似今日老竇去咗澳門做嘢先黐我，真係懷疑個仔唔鍾意我。我覺得教小朋友唔應該分忠同奸，應該用嚴啲同冇咁嚴來形容，不過係要有角色扮演，有時當朋友傾偈，不過最重要都係家教。」
周家蔚
「我同天明經常掉轉角色，但協議咗一個教仔時，另一半唔可以加把口，如果小朋友做錯要即刻同佢講，臨瞓時再講多一次。」