任賢齊做英雄雪山救日女

任賢齊與梁漢文（Edmond）參與電視旅遊真人騷《價值連城》，早前去了大理古城、巍山古城、沙溪古鎮、西藏拉薩市、香格里拉等地兩星期，兩人要以物易物方式走全程，每天早上八時出發，拍至三更半夜才有得瞓。期間兩人要幫當地人打工，包括餵羊、執牛屎等，又要在藏民家借宿。Edmond坦言最初四天辛苦到黑面，感覺如上了賊船：「簡直有想死嘅感覺，攰到暈企唔穩。」他將帶去的豆豉鯪魚罐頭、按摩器全用來換物：「本來唔敢食街邊串燒羊肉，但最後咩都食落口，唔食可能會餓死。」他們在香格里拉海拔四千五百米的石卡雪山，借氧氣救了一個有高山反應的日本女人，小齊笑說：「佢話我係救命恩人，因為佢醒番後大叫，話認得我叫任賢齊。」