莊思敏刁婦發爛渣黃宗澤怕怕
藝人黃宗澤（Bosco）與莊思敏（Jacquelin）日前在中區警署門外拍攝無綫新劇《幕後玩家》，劇情講述Bosco到警署保釋「家姐」Jacquelin，因Jacquelin發現老公有外遇且捉姦在床，一怒之下爆老公樽！
怕緋聞阻識女仔
黃宗澤表示劇集開拍不久，與Jacquelin首次合作要睇吓對方如何演繹「刁婦」一角。他又自言在劇中艷福不淺，有姚子羚演其太太之餘，又有劉佩玥做其情人！至於有沒有親熱戲？他笑言：「大把啦，有床上戲但電視尺度唔會好誇張！（擔心傳緋聞？）唔怕，但最好唔好啦，阻住我識女仔！」去年丁父憂的他，農曆新年期間與媽媽在家中下廚，心情未有太大影響。
野蠻角色夠好玩
至於莊思敏透露劇中的「老公」以暗號交代，被問角色是否一名刁婦？她笑言：「情緒大起大落啲，幾好玩，始終少啲呢啲角色。」她又透露新年期間返回馬來西亞勁食過節，不過未有後悔並笑言：「梗係食啦，咁難得返去一次！」
文：影視組