Kay讚囝囝好男友多女埋身

謝安琪昨日連趕兩場活動，早上出席單車慈善活動，下午換上通花裙再與林奕匡（Phill）及陳詩慧出席音樂會。Kay雖然晨早6時現身單車活動，但至下午3時許仍精神奕奕，原來剛去完韓國旅行充電有關，她謂首次帶兒子張瞻出外旅行，同行屬「全女班」，包括助手、秘書、化妝師一齊去玩，她謂：「我帶佢去睇演唱會，因為佢好鍾意Big Bang，呢個又係Big Bang當兵前最後一個騷。」

遺傳張繼聰細心

Kay稱起初都擔心能否照顧到兒子，因平時有「四大天王」即爺爺、嫲嫲、公公及婆婆照顧，但估不到兒子現已識反過來照顧她：「佢好細心，成日問我攰唔攰，又會話你隻手咁凍嘅，夠唔夠衫呀？」問兒子是否比老公張繼聰更細心？Kay笑說：「咁又唔會，咁都有啲啲係遺傳嘅。（是否阿聰臨出發前吩咐兒子？）都係呀，佢話全程得你一個男仔，要照顧啲女仔。」

前晚才返港的任賢齊笑言好眼瞓。	張瞻遺傳父親張繼聰夠細心。	張惠雅（左起）、蔣家旻、蔡思貝、謝安琪、任賢齊、衛志豪、謝東閔及陳國峰支持單車百萬行。

講到張瞻長大必定是好好男朋友，Kay謂：「佢有好多『女朋友仔』。（有冇見過？）冇呀，佢成日講啲女仔名刺激我。」談到張瞻現已懂得照顧自己，可放心再生B？Kay謂：「隨緣啦！順其自然。」

小齊遇高山反應

至於小齊亦笑言他的女兒同樣好Sweet，他說：「個女同Kay個仔一樣，反而我個仔就會一轉個頭就唔見咗人！」而小齊表示剛剛與梁漢文在西藏等地拍攝完節目，因當地的紫外線太強，令他曬黑不少，但整個旅程非常好玩：「我哋去咗15日，嗰度同香港嘅環境好唔同，又見到啲少數民族，雪山嗰邊又真係好靚，不過啲高山反應好難頂，嗰度有成4,500米高海拔。」他又指前晚才落機回港，所以現時非常眼瞓。

文：音樂組