肥媽個唱笑住發癲
藝人Maria Cordero（肥媽）昨日在九龍灣為慈善活動「第11屆世界腎臟日在香港」擔任表演嘉賓，受訪時表示已幫助腎病組織二十年，直言即使退休仍會繼續幫手，做慈善永不言休。肥媽將於3月中舉行告別個唱，她笑言可借個唱發癲：「香港人最緊要係開心，我打算叫埋啲孫上台，（唱咩歌？）乜都識唱啦，我都打算叫埋我阿媽上台，佢91歲，一於四代同堂，大家一齊，香港係一家人。」
提到一代笑匠盧大偉日前病逝，肥媽大讚他說：「佢（大偉）意志好堅定，佢去完醫院照開班，照開會畀意見，請老人家食飯，講笑話唱歌，完全冇停過，唔會畀你知道佢有病，作為一個演藝人協會嘅理事，佢係非常非常之稱職。」此外，現居澳門的藝人斑斑前晚出席活動，對於昔日EYT拍檔盧大偉（David）逝世，她難過地說：「佢係個開心果，佢嗰啲唔係爛gag，係深思熟慮諗出嚟，佢係好演員，好惋惜！希望David嫂節哀順變，保重身體。」