馮允謙爆G.E.M.蜜運心情靚
歌手馮允謙（Jay）昨日出席高跟鞋競跑大賽，擔任領跑的他除帶領參加者做熱身外，亦身體力行穿上高跟鞋競跑，還大擺嘟嘴送吻甫士，相當風騷。
談及曾傳緋聞的鄧紫棋（G.E.M.）近日有新內地緋聞男友華晨宇，Jay直言：「有聽過傳聞，但冇同佢求證，如果係真(口既)，我都祝福佢，因為佢係好女仔嚟。（有冇洩露蜜運心情？）佢好似開心啲囉！」不過G.E.M.的閨蜜李蘊接受電話訪問時，就指好友是單身：「我諗佢唔係拍拖囉，G.E.M.乜都講我知嘅。（Jay話佢開心咗？）佢成日都咁開心o架啦！」
另外，G.E.M.日前拍攝內地節目，以音樂老師身份到鄉村教小朋友發音及唱歌技巧，課餘時就與學生落田拔菜、劈柴，還炸薯條給學生品嘗。