張智霖機警玩謝詐騙電話黨

昨日張智霖出席代言產品活動，即場與粉絲大玩遊戲，場面相當熱鬧，又自言是白老鼠，每次代言必先試用才推介。期間Chilam透露稍後會參與內地節目錄影，教粉絲們如何增強自身危機意識，且自爆曾接獲詐騙電話，結果被他識破對方的行騙伎倆，Chilam說：「對方打嚟問我知唔知佢係邊個，我話梗係記得啦，仲同佢吹（水）咗一陣，又同佢講借咗我啲錢唔使還嘞，最終佢知我冇上當，就自行收線，下次再接到呢啲電話，其實應該mark低佢電話號碼然後報警。」

眼瞓揸車出事

問到是否一向危機意識很強？Chilam卻腼腆謂：「試過以前拍《射鵰英雄傳》，趕戲之下好多日冇瞓仲要揸車，結果撞到對面線兩架車，發生意外後即刻成個人醒晒，好彩大家都冇受傷，而呢件事後，我就好小心駕駛，有需要嘅時候就聘用司機。（留意到近日有行人衝出馬路撞爆汽車玻璃？）有，好恐怖，搵條命嚟較飛，個司機真係遇上無妄之災。」

自認是白老鼠的張智霖即場交足戲。	張智霖有做開運動，身手果然敏捷。	張智霖學做瑜伽，兒子魔童有樣學樣被阿媽鬧。

仔做瑜伽捱鬧

而活動上全程被指保養得宜，氹得Chilam開心表示：「藝人嘅副業就係做多啲運動keep fit，我有跟黃佩霞做瑜伽減壓，拉筋唔係好叻，但我平衡感幾好，最叻倒立囉。我個仔成日模仿我啲動作，結果被佢阿媽喝停。」

文：影視組