糖妹曾遇「出軌男」即飛！
屬Selina姊妹唱片公司旗下歌手的糖妹（黃山怡），昨日受訪時表示Selina是同門亦是其偶像：「好榮幸我五、六年前有機會做S.H.E嘅九展演唱會暖場嘉賓。」Selina宣布離婚，她會尊重對方的決定，但不會刻意透過唱片公司作出慰問：「我呢啲小朋友，唔好理大人嘅事。」
有傳Selina離婚跟老公有「小三」有關，她以不清楚傳聞，不想表態：「不過我仍相信世上有至死不渝嘅愛情。」問她可曾遇男友「出軌」？她直認很久之前因男友有第三者而分手。不能原諒被男友背叛？糖妹認為會視乎情況：「如果結咗婚有小朋友，我會忍受，原諒對方，如果只係拍拖就會揀分開，因為未畀我揭發前，佢應該唔止一次對我不忠，我已經畀咗機會同包容o架啦。」