陳婉衡食沙律keep驕人上圍
早前為電影《PG戀愛指引》勁減十磅的藝人陳婉衡（Alycia）因劇情需要穿上露臍裝，力求完美的她為以最佳狀態示人而積極減肥，並開始留於家中鑽研清淡菜式。她說：「嗰時大部分時間都自己煮，煮啲清淡啲嘅嘢食，出街就通常揀沙律，我都因為咁開始鍾意咗食沙律，蝦沙拉、caesar salad、黃瓜沙律咩款都試，但就盡量少醬，最緊要係啲菜新鮮夠爽口。」
擁驕人上圍的Alycia坦言：「其實減肥好易，但係要keep就好難。之前拍戲因為要着露臍裝所以好落力做work out修番啲線條，最瘦嗰陣得廿三吋腰，不過依家就肥番一吋。我都係主張做運動健康，再戒口。如果要長期keep住節食真係冇晒人生樂趣，所以減吓食吓，肥吓瘦吓啦。」又要食又要fit似乎沒可能，Keep fit果然是女士的終身事業。
