黃伊汶Fit爆出院小龍抱仔護駕
新手靚媽黃伊汶（Emme）剛於周二（1日）剖腹誕下愛兒陳真（暫名），留院五日後於昨午2時由丈夫陳國坤（小龍）陪伴下出院。一臉慈父的小龍負責抱着BB，當拍畢「全家福」後，小龍先抱BB上車，交由太太Emme受訪。
產後的Emme雖然未「收肚」，但身形可謂相當Fit。問到傷口是否仍痛？她說：「第一日落床時好痛，呢兩、三日ok，所以咪出院囉！最開心一定係我阿媽同老爺奶奶，一早就催我返屋企。（算唔算早產？）早咗幾個禮拜，我都冇預到！因為小龍要去內地做嘢，佢唔想走o架，但我話你去一日，唔會咁準嘅，點知就係呢日！佢都好無奈，話個仔整蠱佢。」Emme坦言當日早上突然陣痛：「開刀都感覺到痛楚！」
抖番幾個月先
談及BB的情況，Emme指兒子出世時7磅重夠晒足磅：「所有嘢好健康，好感恩。」她又指BB樣子上半部似爸爸，下半部則似她，現時餵奶粉與人奶，還踢爆指BB大食！至於小龍可有幫手餵奶換片？Emme笑說：「未呀！我哋都係返屋企先試。（BB改咗英文名？）未啊！中文名就陳真，老公話依家呢個年代好多人都好假，想個仔真心啲、做自己。」問到何時復工？Emme笑言同事希望她多加休息：「公司啲人話要鎖門！應該會抖幾個月，老公就4月中先開工。」
文：音樂組