陳慧嫻十年一遇 錯愛攣男

歌手陳慧嫻一連四場的演唱會《陳慧嫻Priscilla-ism演唱會》前晚假紅館隆重開鑼，吸引陳奕迅、盧淑儀等捧場，她除了唱出多首經典情歌及幾番勁歌熱舞，慧嫻一晚換了十個不同造型，猶如時裝騷一樣。

克勤借變身裙

演唱會中段，慧嫻在台上分享情路，笑言十年前跟醫生男友分手後沒再遇到合適對象，直至幾個月前才有一種心動感覺：「佢幾靚仔，好陽光，有種陳百強公子哥兒嗰種感覺！」她更放下矜持打探他可有女朋友，但無奈他雖沒有女友，卻有男朋友，慧嫻激動說：「簡直晴天霹靂，十年冇開齋，一開齋就遇到Mr.Impossible！」講完愛情後，就到嘉賓李克勤登場，與慧嫻對唱《月半小夜曲》，並很感激對方從長沙趕回港做嘉賓。其後克勤搞笑地自我介紹：「大家好，我是歌手李克勤。」慧嫻即嘲笑他：「你唔係錄影咩？你死得未？」然後克勤就抵死回應：「容祖兒踢唔走我o架！」當克勤大讚慧嫻的三秒換衫歌服似時裝騷，就叫慧嫻將裙借給太太，慧嫻即說：「你咁樣high啲？」克勤也回敬：「你係咪講呢啲呀？」令全場爆笑！

陳慧嫻於台上難忍淚水。	從長沙趕回港任嘉賓的克勤，被陳慧嫻攬到實。	李克勤與老婆盧淑儀、陳奕迅均睇得相當投入！

玩創新唔算遲

慧嫻接着在台上提到上次演唱會的監製因患病而未能到場支持時，就不禁落淚，然後唱出《傻女》獻給對方。在演唱期間卻發生小事故，慧嫻被煙花的煙霧嗆得狂咳而甩嘴。她又指演唱會過後就會積極籌備新碟，笑言希望在這個年紀有創新的想法不算太遲：「有校長（譚詠麟）打底，我唔會係最老嗰個！」最後唱出《千千闕歌》為演唱會畫上完美句號。

文：音樂組