定欣熱吻祥仔：咀到濕晒！

胡定欣、黎耀祥及曹永廉等主演的無綫劇《公公出宮》啟播以來收視不俗，曾創下最高32點收視。近日劇情掀高潮，交代定欣演的金香，與祥仔演的太監李肅恭因「假鳳虛凰」漸生情愫，不過祥仔因未能傳宗接代，想出與陳國邦扮同性戀婉拒定欣愛意。定欣為測試祥仔心意，竟眾目睽睽下強吻祥仔。

開支票請食飯

談到與祥仔的吻戲，定欣笑說：「喺開平外景，攝氏40幾度下拍，咀到成身濕晒。之前同祥仔拍《巾幗梟雄》都拍過咀戲，但冇今次咁激，今次狂吻之下仲要hold住一段時間。」剛從美國登台返港的祥仔謂：「嗰日我太太都在場，仲幫我哋影劇照。（監製話你開定支票請食飯？）冇所謂，最緊要大家開心。」

有份「觀戰」的曹永廉笑說：「拍嗰日好翳焗，佢哋咀得辛苦，我哋亦睇得唔享受。（請食飯？）好呀，但我冇理由出錢多過視帝祥，人哋一年搵幾千萬。」

祥仔一度婉拒定欣愛意。

定欣想於眾目睽睽下向祥仔示愛。

視帝視后冇NG

監製羅永賢亦對這場咀戲讚不絕口：「視后同視帝功力毋庸置疑，一take過OK。」據悉，鑑於收視理想，無綫明晚將搞慰勞宴。

文：影視組